Sunnudagar!

Ég þoli ekki sunnudaga, þeir eru eitthvað millibilsástand á milli helgarinnar og vinnuvikunnar. Helgin búin og vinna á morgun. Mér leiðist líka, fullt sem ég gæti verið að gera en í staðinn hangi ég á netinu. Ég gæti verið að pakka niður þar sem við erum að fara að flytja á næstu dögum. Jamm við fjölskyldan erum að flytja í Ásakór og leggst það vel í okkur ;)

Í gær bökuðum við Andrea smákökur, geggjaðar kornflekskökur, ég er að verða búin með þær. Ég sem borða ekki einu sinni smákökur. Þessar eru öðruvísi, ekkert smá góðar!

Oj nú leiðist mér meira, það eina góða við sunnudaga er að það er hægt að liggja í leti og svo er Næturvaktin í kvöld. Jæja, ætla að borða fleiri smákökur... fá smá orku!