Mætt til vinnu

Jæja, þá er ég mætt til vinnu eftir fjögurra daga "frí". Hún Andrea mín er búin að vera lasin eins og víst helmingurinn af börnunum í leikskólanum hennar. Þegar ég kom svo í vinnuna í morgun þá kom það í ljós að það er bara hálfur vinnustaðurinn heima með flensu! Ég vona að ég sleppi við þetta!

Á föstudagskvöldið er stefnan tekið á smá djamm. Það er vinnufjör hér. Mæting er kl. 19 í Bankastrætið þar sem fólk ætlar að hittast og fá sér einn til tvo drykki og svo verður haldið í Loftkastalann á tónleikinn Bítl... sem ég er reyndar búin að sjá tvisvar en what the hell, maður skellir sér! Ætli maður kíki ekki svo eitthvað út á lífið eftir þetta, kominn tími til, djammaði síðast í nóvember 2004!

Annars er íbúðin okkar alveg að verða tilbúin, þetta er orðið gríðarspennandi. Þið sem viljið getið farið inn á heimasíðuna hennar Andreu www.andrea.barnaland.is og inn í albúmið, neðsta albúmið heitir "Íbúð" og þar eru myndir sem ég tók í gær. Þið sem hafið ekki lykilorðið sendið mér bara póst :)