Jæja þá...

Ég hef bara svo afskaplega lítið að segja eitthvað. Er búin að vera að reyna að blogga í huganum í nokkra daga en ekkert gerist!

Hmmm látum okkur nú sjá. Ég er ekki köfnuð í hori Jenný, en það er ekki langt frá því ;) Ég er búin að vera slöpp alla helgina en það náði eiginlega hámarki í gær eftir vinnu... enda var mín sofnuð kl. 20 í gærkvöldi. Því miður fór svo öll nóttin í martraðir þannig að ég er meira uppgefin eftir nóttina heldur en útsofin :/ Ég fæ nú ekki oft martraðir en það er alveg dæmigert að það gerist akkúrat þegar ég er að reyna að ná góðum svefni. Oh, well ég er samt ekki þreytt og er orðin aðeins hressari :)

Það verður frábært að fá páskana loksins eeeeen ég ætla að vinna allavega fimmtudag og föstudag þannig að helgin verður ekki alveg jafnlöng og hún á að vera. Æ, það er fínt að fá smá yfirvinnu. Ég ætla heldur ekki að vera neitt rosalega lengi kannski frá 11-15 eða eitthvað... það munar samt :) Rikki verður að vinna um páskana líka þannig að við þurfum eitthvað að púsla þessu saman... góða fjölskyldan... að vinna í páskafríinu :/ Svona er þetta, en við höfum allavega sunnudaginn saman til að háma í okkur páskaegg mmm ;)